Богомъ Вседержителемъ, нареченому изъ чрева Матере Своея, Единочадымъ Его Сыномъ, Господомь нашимъ Ісусомъ Христомъ, почтеному господьскымъ и царьскымъ саномъ, и Пресвятымъ и Благимъ и Животворящимъ Духомъ. Его зблюдаему. и усиляему на прѣдспѣніе. [2] господьскыхъ же и царьскыхъ разумъ [3] и державы, благочестивому, христолюбивому, великому князю. [4]. Благодать Господа нашего Ісуса Христа, любы Бога и Отца, причастіе Святаго Духа. да будеть с тобою, по благочестію. Азъ же. Д``...... [5] епископъ: ...... [6]; се же по судбамъ Божіимъ, аще недостоинъ, твоего же рáди еже къ Богу потщанія велія, и еже к Нему вѣры теплыя, и до насъ худыхъ простретья любве, еже хотѣніа молитвы, рекше [7] Спасу нашему Христу: «приемляй пророка во имя пророче, мьзду [8] пророчю пріемлеть; пріемляй праведника въ имя праведниче, мьзду праведничю пріемлеть». [9]; еже «понеже створисте (единому) отъ меншихъ си братіи Моей, и Мнѣ створисте» [10]. Се же есть твоеа благочестивыа душа и божественыя душа и божественыя разумъ [11], еже въ всѣхъ и отъ всѣхъ искати ползы своему спасенію иже [12] и здравію; се же есть даръ Божій, еже есть таковъ разумъ имѣти въ сердци своемъ. Поисти(нѣ) бо [13] и достойно, еже о сицевыхъ пещися, по Спасову слову: «емуже дасться много, и много въстяжется отъ него» [14]; сего ради требѣ и много смотреніе твоему благочестію, да и многихъ управиши къ Богови въ своемъ царствѣ; понеже сынъ Божій наречеся по благодати и образъ Божій носиши. Да и подасть ти, еже пріятъ., да и зблюдеши [15], въ твоемъ бо есть разумѣ, поминаяй, еже честнаго прадѣда ти Володимира равна апостоламъ, подщаніе (потщаніе) еже къ Богу, еже отъ злыхъ на благое уклоненіе, и како тмы тмами, и [16] приведоша къ Богови святымъ просвѣщеніемъ, изъ самѣхъ устъ адовѣхъ исхитивши; такоже и благочестиваго и приснопамятнаго святаго дѣда твоего [17], како славится о немъ, еже о христоименитыхъ людей попеченіе многое; такоже и христолюбиваго великаго князя, отца твоего [18], кротость же и милость, и безлобіе многое, и богобоязньство, и правда, якоже пророкъ [19] рече о Давыдѣ: «избрахъ Давыда, мужа кротка, по сердцю Моему» [20]; се бо поистинѣ рабъ Божій бѣяше въ всемъ. Да оного поминая, еже отъ злобы на добро совращеніе, и потщаніе апостольскаго упрáвленія, сего же еже о людѣхъ попеченіе много, святаго же ти отца еже добродѣтелное исправленіе: да сѣми всими потшався исправленіи и пріимше отъ Бога приношеніе твое въскорѣ, и безмятежно и долголѣтно поживеши в нынѣшнемъ царствіи, и будущаго и неизреченнаго и бесконечнаго Царства съобѣщникъ съ Богомъ будеши, иже [21] есть выше ума и смысла человѣча. О семъ молимся Богови, аще и недостойнѣ есмы. Молю же о семъ твое державное царство, да и милостивъ будеши съгрѣшающимъ к тобѣ, исполняа Спасово слово, еже рече: «аще оставите человѣкомъ съгрѣшенія ихъ, и Отець вашь Небесный оставить вамъ съгрѣшенія ваша» [22], да бы еси милость свою явилъ на съгрѣшившемъ къ Богу и тобѣ, на імя рекъ [23], рекшу Господу: «70 (кратъ) седмерицею пращайте ихъ» [24], «оставляйте брату съгрѣшенія его» [25]; да якоже въ многихъ, такоже и о семъ явится человѣколюбіе твое, да «будеши съврьшенъ», Спасу рекшу, «якоже (Отець) вашь Небесный свершенъ есть» [26]. Богъ милостію Своею, и молитвами Святыа Богородица, съблюдеть тебе въ царствіи твоемъ. отъ всякого зла, и на противныя побѣды даруеть, в будущемъ вѣци жизнь вѣчную, благодатію и человѣколюбіемъ Единороднаго Сына Своего [27] въ вѣкы. Аминь.

Примѣчанiя:
[1] Надписаніе въ рукоп. указывающее на предметъ посланія.
[2] Чит. «предспѣяніе» — преуспѣяніе.
[3] Чит. «разума».
[4] Димитрію Іоанновичу.
[5] Т. е. «Діонисій». Значокъ надъ буквою Д., по утребленію его въ ркп., замѣняетъ букву и.
[6] Пропускъ, въ подлинникѣ, нѣсколькихъ словъ, вѣроятно слѣдующихъ: «Суждальскый, поставленъ есмь всесвятымъ патріархомъ вселенскимъ въ архіепископа» (сн. Акт. ист. т. I. № 5).
[7] Чит. «рекшу», какъ далѣе.
[8] Чит. «мьзду», какъ далѣе.
[9] Матѳ. 10, 41.
[10] Матѳ. 25, 40. Замѣчательно здѣсь мѣстоименіе «еже» предъ текстомъ: въ настоящемъ посланіи оно употреблено неоднократно въ качествѣ греческаго члена τὸ, см. напр. выше: «еже къ Богу потщанія», «еже к нему вѣры», «еже хотѣніа молитвы» и ниже «еже въ всѣхъ и отъ всѣхъ искати ползы», «еже о сицевыхъ пещися», «еже честнаго прадѣда ти... потщаніе», «еже отъ злыхъ на благое уклоненіе», а еже о христоименитыхъ людей попеченіе», «еже отъ злобы на добро совращеніе», «еже о людѣхъ попеченіе», «еже добродѣтелное исправленіе».
[11] Такъ въ ркп. (испорченное мѣсто).
[12] Вм. «иже» част. еже».
[13] «Поисти бо» — поправлено въ подл.; было написано. «но истинно» или «воистинно»; должно быть: «поистинѣ бо» (какъ далѣе).
[14] Лук. 12, 48.
[15] Да соблюдеши, еже пріялъ еси.
[16] «И» — лишнее.
[17] «Святаго дѣда твоего» — Іоанна I Даніиловича († 1340) Калиты, прозваннаго такъ потому, что онъ всегда носилъ съ собою мѣшокъ или калиту, наполненную деньгами для бѣдныхъ. Карамз. Ист. гос. росс. т. IV. изд. 5. Спб. 1842. стр. 148: тамже, о его достоинствахъ. Слово «святаго» ничего на доказываетъ: въ этомъ же посланіи, далѣе, и отецъ Димитрія Іоановича названъ «святымъ»; оно значитъ просто — покойнаго, отшедшаго къ вѣчной жизни; см. Акт. ист. т. 1. № 2. Доп. къ Акт. ист. т. I. № 4. С. Соловьев. Ист. Россіи. т. I. прим. 96.
[18] «Великаго князя, отца твоего» — Іоанна II Іоанновича († 1359) Кроткаго. Карамз. Ист. гос. росс. т. IV. изд. 5. стр. 179.
[19] Богъ чрезъ пророка (Самуила).
[20] Дѣян. 13, 22. сн. 1 Цар. 13, 14; Псал. 77, 70; 88, 21; 131, 1.
[21] Чит. «еже».
[22] Матѳ. 6, 14.
[23] Въ первоначальномъ, подлинномъ, спйскѣ вѣроятно было «на мнѣ грѣшнѣмъ».
[24] Матѳ. 18, 22. Вм. «ихъ», кажется, должно быть «и» («седмьдесять кратъ седмерицею пращайте и оставляйте» и проч.).
[25] Тамже, и Мар. 11, 25. Лук. 17, 3. Ефес. 4, 32. Кол. 3, 13.
[26] Матѳ. 5, 48; слова «Отецъ» въ ркп. недостаетъ.
[27] Въ ркп. ошибочно написано: «твоего».

Печатается по изданiю: Памятники Древле-Русской духовной письменности: Повинное посланіе св. Діонисія, архіепископа Суздальскаго, къ великому князю Димитрію Іоанновичу Донскому, 1383 года. // Журналъ «Православный собесѣдникъ», Казань. – 1866 г. – Книга I. – с. 247-250.