Послание Иосифа Санина архимандриту Вассиану о Троице (до 1479 г.)
Приводится по изданию: Казакова Н.А., Лурье И.С. Антифеодальные еретические движения на Руси XIV - начала XVI в. М.-Л. 1955
Список источников
«Послание Иосифа архимандриту Вассиану о троице» является, как мы можем предполагать, древнейшим памятником полемики с новгородско-московской ересью конца XV—начата XVI в. Уже И. Хрущов обратил внимание на то, что автор называет адресата послания пастырем и освященной главою в противоположность себе, живущему «в учимом чину», и сделал отсюда вывод, что Иосиф во время написания послания еще не был игуменом; следовательно послание было написано до 1479 г.[1] Если это так, то адресатом послания был, очевидно, архимандрит Тверского отроча монастыря Вассиан, ставший в 1478 г. епископом Тверским.[2]
«Послание о троице» было до сих пор издано только один раз — в 1790 г. в «Древней Российской вивлиофике» (т. XIV, стр. 218). Издание это совершенно не удовлетворяет современным археографическим принципам: рукописный источник не указан, в тексте обнаруживается множество грубых искажений, заставляющих подозревать, что издатель плохо понимал издаваемый текст. Так, например, слова «господа бога» под титлом издатель неизменно читал как слово «габа», трижды передавая фразу «И рече ей аггел господа бога: Агарь!», как «И рече ей ангел: Габа Агарь!». Имеется в тексте «Древней Российской вивлиофики» и несколько значительных пропусков.
В настоящем издании нами привлечены 3 списка «Послания о троице», — все они принадлежит к собранию Иосифова Волоколамского монастыря (ныне в Гос. Библиотеке СССР им. В. И. Ленина):
1) БИЛ, Волок. № 156(520); 4°. Сборная рукопись, состоящая из 2 тетрадей; первая тетрадь — сер. XVI в. Л. 1—«Послание о троице» (без заглавия). Подробное описание рукописи см.: Опись рукописей, перенесенных из библиотеки Иосифова монастыря в библиотеку Московской духовной академии, иеромонаха Иосифа, М., 1882, стр. 164 (ср.: П. Строев.Описание рукописей монастырей Волоколамского и др. СПб., 1891, стр. 136, № 316);
2) БИЛ, Волок. № 158(522); 4°. Сборная рукопись, состоящая из 6 тетрадей; четвертая тетрадь — сер. XVI в. Л. 457 — «Послание о троице» (заголовок: «Послание преподобного игумена Иосифа, сказание о святей животворящей троици»). Подробное описание см.: там же, стр. 171 (ср.: П. Строев, ук. соч., стр. 158, № 361).
3) БИЛ, Волок. № 155 (519); 4°; сер. XVI в. Сборник, Л. 56 — «Послание о трпице» (заголовок: «Послание»). Подробное описание см.: там же, стр. 160.
Кроме того, нам известны еще два списка того же послания:
4) ЦГАДА, собр. Мазурина (ф. 196), № 1054; 8°; сеп. XVI в, Сборник. Л. 88 об. — «Послание Прохору Сарскому» (см. ниже, стр. 309); л. 347 — «Послание о троице»; л. 418 — «Послание Иосифа Нифонту» (см. ниже. стр. 420).
5) Q.XVII. 64 (из собрания Ф. Толстого, отд. II, № 68); 4°; сер. XVI в. (подробнее см. во введении к следующему документу № 12). Л. 106 об. — начало «Послания о троице» (до слов «древняя мимо идо. ..» — ср. сто. 306).
В основу при издании положен список Волок. № 156 (А); для исправлений привлекаются списки Волок. № 158 (5) и Волок. № 155 (В).
[1] И. Хрущов. Исследование о сочинениях Иосифа Санина. СПб., 1868, стр. 144—145.
[2] См. выше, стр. 119—120.
Что, господине, мене, глупаго и ненаученаго, во учимом чину живущаго, пытаешь о таинстве1 святыя троица, а ино то, господине, выше нашея 2 меры. Вам то, господине, освященным главам достоит ветхаго и новаго таинества ведати и научати, вы —. господа пастарие, да и мы, мир, христиане живаначальную троицю, от апостол яве проповедаему прияхом, и крестихомся во имя отца и сына и святаго духа. В нераздельное божество тако веруем и проповедуем и дръжимся, а древних явленей и обычаев не пытаем и не поучаемся и забываем, якоже и апостол пишет: «Древняя мимо идоша, а вся быша новая», и поучает задних забывати, а на предняя подвизатися, еже есть новаго благодати закон. Да нам было, господине, достоит о всем о том млъчати по писаному, но твое, господине, рачительство пришло до нас, и аз, господине, глупой не могу ослушатися, поминая рекшаго: «Имея друга, вся открывает ему разумна и неразумна». Ино вем твой разум и мудрость, на то утвръдихся, что можешь и мой глупой разум възразити.
Моисей пишет: «Сотвори бог небо и землю3 и вся, яже в небе и на земли и в водах, вся сътвори человека ради, а человек создан бысть в шестый день, образ божий», и пръвое таинство объявляя живоначалныа троица. Рече бог: «Сътворим человека по образу нашему и по подобию». Разумевай с кем съветует, и что по образу и по подобию? Не все ли святую троицю преобразуют! Второе: по преступлении Адамле, рече бог: «Се Адам, яко един от нас, разумевати добру и злу». Виждь, яко не рече: «един есмь», но рече: «яко един от нас!» Так жо по потопе в разделении язык рече господь бог: «Се род един и язык един, приидем низъшедше, размесим ту языкы их!». Не рече бо, яко «сниду», или яко без совета раздрушил, но рек: «Снидем, размесим языки их». Се видиши ли, яко искони сына объявляя в таиньстве живоначалныя троица? Слыши же в новой благодати глаголюща: «Аз и отець едино есве, а и пакы сын ничто же творит, аще не видит отца творяща, яко же отець творит, и сын тако же творит».
А как създа бог человека, так везде советовал бог человеком все с собою, а Адаму и Сифу и Еноху и Ною, та же и до Авраама по писаному. При Авраме же после обетования послан бысть аггел к Агаре в пустыню. И рече ей аггел господа бога: «Агарь, Агарь, раба Саррина! Отколе идеши и камо грядеши?». Она 4 же усомневся 4 и не хотя и рече: «От госпожи бегу». И рече ей аггел господа бога: «Агарь! Обратися к госпожи своей, и покорися ей в всем». А рече ей аггел господа бога: «Агарь! Родиши сына мужеск пол, и наречеши имя ему Измаил». Рече к ней аггел господа бога: «Агарь! Много умножю плод твой, и в язык велик сътворю и». Видиши ли, господине? Трижды объявляя себе аггелом, сиречь посланник, в четвертый сам собою объявляет, сыном божиим властельскы глаголет, рек: «Много умножю плод твой, а в язык велик сътворю и!» Ино слышеши, что от Адама и до Авраама к всем бог глаголя, отца прообразуя, зде же сына прообразуя, аггелом себе именова, сиречь посланника, и везде бо аггел посланник именуеться, яко же и в еуангелии сам себе именует посланником: «Пославый мя отець боле мене есть». И Агарь сама именова его богом, глаголя: «Ты бог, иже призре мне!». Но не к единой Агаре послан бысть аггел, но к многым аггелом является, а после его богом нарицают. Зри ветхыя книгы вся, обрящеши, како Моисею в купине явися аггел, а рек: «Аз есмь бог Авраамов, Исааков, Иаковль». Той же и Чръмное море проведе, являяся стлъпом огненым и на Синайстей горе беседова ему, и закон да, якоже и Аврааму явися в трех лицех. Виде Авраам, яко родися ему сын Измаил от Агары во старости, и отчаався во старости от Сары семени, и помысливъшу, яко обеты благословения семени его скончашася на Измаиле, уже бо сам столетен сущи, а Сарра девятидесять лет сущи. Сидящу ему у дуба пред сению, поминающи свою старость, близ бо смерти сущи: «Что сътворю благо, да введет мя бог в вечныя кровы. Аще не прииму странного в дом в образ божий, не приимет мя бог в вечный дом». И нача ждати страннаго в образ божий даже и до полудни. Възрев очима, виде три мужи стоящи връху его, и притече к ним, рече: «Господи! Аще есмь обрел благодать пред тобою, не мини раба своего, да ся принесет вода, да омыются ногы ваша, и простудитеся, да принесу хлебы, да ясте!». И рече жене своей Сарре: «Подвижися, смеси три спуды мукы чисты». А сам тече в стадо, поим отрока с собою, и взя телець избран, приведе и уготови, и взяв масло и мед и млеко, и постави пред ними, и сам стояше пред ними. Разумевай — единого жда, и три ему явися в человечесте образе! И рек им: «Господи! Аще есмь обрел благодать пред тобою». Како трем глаголеть, а единого именует господа? Ино рек «господи», то общее имя, ино то, что рек, «аще буду обрел благодать пред тобою», видиши ли ясне, бога проповедует: кто может дати благодать, развее бога, и от кого жда обетованиа благодати, аки не от бога? Он5 странникы приат5, и телець, аки человеком, уготови, и Сарре повеле три спуда мукы смесити, в образ троица, и представи има трапезу. О дивно! три юноши сидя, а патриарх 6 старец столетен пред ними стоя! 6 Виждь, яко не един седя, а два бы предстояли, аки рабы, сиречь аггелы, но все три равно во едином месте сидят, и всем равне патриарх нозе умы, и трапезу постави, и всем равну честь подаеть! А в даровании благодати рече Аврааму: «Сарра жена твоя где бе?». Он же рече: «В сени». Они же рекоша: «На се время възвращуся и прииду, будет Сарре сын». Сарра же Слышав в сени разъсмеявся, а рада бысть, помянув благодати обетованиа, а взърев на свои умерщвленые уды, не верова: «Како рождю сын в старости?». Бог же ведый тайны сердца, рече Аврааму: «Сарра смех ми сътвори, но будет Сарре сын, и наречеши имя ему Исаак». А въстав три мужи прямолици к Содому и идучи, а Авраам с ними. И рече бог: «Не утаю отрока моего Авраама, вопль Содомеск и Гомореск умножися предо мною, иду погубити их». И два аггела отъидоша в Содом, Авраам же рече богу: «Господи! Не погуби праведника с нечестивыми, аще обрящутся пятьдесят праведник». И рече бог: «Не гублю». И приложи Авраам глаголати богу даже и до десяти. Рече: «Не погублю града». Яко бог, видиши ли, яко бози явишася Аврааму в образе человечьсте? Глаголет Аврааму: «Погублю Съдома», и пакы: «Не погублю праведных для». Виждь — един бог отець со Авраамом беседует, а два в Содом посылает в образе сына и святаго духа, занеже бог вся сыном сътваряет7, и духом святым совръшая. Якоже пишет: «Словесем господним небеса утвръдишася, и духом уст его вся, сила их».
Видиши ли, господине, коли обет благодати пришед исплънити, и он съвръшинне явись Аврааму, того ради являя ему благодать свою, что от семени его хотяща родитися Христос. А в Содоме того ради два являются в образе аггел, а аггели в юношьском образе, что хотяща злых человек потребити, а праведника от напасти извести, якож и Симеон о Христе прорече: «Сей лежит на падание и на востание многым». И в пророчьстве много о том писано, сам веси, а пишет, что Авраам, милуя нищих, бога приат з двема аггелы, а инде аггелы прият, а инде святую троицю прият.
А Дамаскын глаголеть: «Святая троица единосущная телесныма очима не зрима». Ино, господине, по божественому писанию все те истинну едино глаголют, а не разньствуют: нам то, господине, глупым и не умеющим, видится разно, или еретиком, ино они превращюют на свой разум, хотяща троицю утаити, не хотяща бо видети, ни слышати отца и духа святаго равна отцу и сыну. А что, господине, Дамаскын пишет: «Не зримо божество», ино господине, не один Дамаскын пишет, но издавна патриарси и пророци и апостоли и8 святии отци, — все божество акы едиными усты исповедуют недоведомо и недомыслимо ни зримо, не токмо реку человечьскыма очима, но ни аггели, ни самыя херувими, ни пакы престоли, на них же почивает господь, видети божества не могуть. А ино и сам сын глаголет: «Никто же знает сына, токмо отец; ни отца кто знает, токмо сын». Но что нам разсужати божество, якоже и Дионисей пишет: «Бога нигде же неть, а везде есть?».
А что пишет: «Авраам аггелы виде», ино везде бо в писании в нашем и в древнем пишет, что божество преобразуется в аггелех, а аггели существом не являются, но человечьски, или инем образом, но богь, преобразися в аггелы, а аггели в человечьскый образ явися Аврааму. Ино существом аггели, а действо божествено, а образом человечьскым: не мощно 'бо существа и аггельскаго видети человеку. А инде пишет, что Авраам (бога прият з двема аггелы, ино, господине, то истинно именова бога, бо отца не послана никем, аггелы бо виде с ним, ино аггелы пишются посланникы, сиречь сын послан от отца, и дух святый послан от отца же. Якоже и в еуангелии пишет: «Аз о себе не глаголю, но пославый мя отець, той ми рече». И пакы о дусе глаголеть: «Аще аз иду от вас, иного утешителя от отца пошлю к9 вам». Нам, господине, мнится: до воплощения божия, объявляя бог свое таинество в аггелех, а аггели являются во многых образех — в человечьсте и во птиче и в зверине, немощи для человечьскыа до воплощения, а по воплощении везде святым аггели являются, своим существом преобразуются, а не в божие имя являются.
Не мочно бо аггелу в образ божий именоватися. Аще бы не сам Христос являлся в образ аггелом до воплощения, не мощно бо бога вместити никому же. Ни самое небо вместити его может, бесконечно бо есть, но престол ему есть небо, а аггели и вся видимая и не видимаа тварь. Но что реку тварь? Но и вся четыре стихия в небе того для конец имеют, единаж от четырех стихие въименуется въздух, не видимо бо нами и прозрачна человечьскым помыслом и видом, акы подобна божеству, и како бы нигде е неть, а везде есть, и всем живот и дыхание по бозе дарует, без него единому животну не мочно быти, ни земли, ни морю иелзя състояти, виждь, колико величьство землю и море и всю поднебесную обдержит, но и та в небе конець имееть, — бог един конца не имееть! Яко же и пророк о нем пишет: «Небо престол ему, а земля подножие ногу его». Яже и сам рече: «Никто же взыде на небо, токмо сшедый с небесе». Виждь, яко никто же богу съпрестольник на небеси, токмо сын и святый дух отцу съпрестолен, а яже земля подножие ногу его! Виждь, яко свое пришествие величества являя от небеси и до земли!
А сиа, господине, дръзнух к тебе писати своею глупостию по 10 твоему велению. А и ты бы, господине, да не укаряя нас, к нам нашу глупость отписал. А лучить ти ся, господине, кому искусну мужу то казати, и ты бы, господине, нашего имени не являл никому. А чем, господине, укаряеть или похулит нашю глупость, и ты бы, господине, то отписал к нам подлинно, что възговорят, или чем похулять, и мы, господине, того поразумев, да въперед таковы не будем. А то ми, господине, от тебе велми за честь, а яз тебе, своему господину, челом бию.
Моли, господине, бога о мне грешнем, о Христе Иисусе, аминь.
[1] Так БВ; А стаинестве.
[2] Так В: А Б вашея. 3 Так БВ; А зземлю.
[4-4] Так БВ; А уна же осумневся.
[6-5] Так В; А станник триа; Б странник триа.
[6-6] А старец... стоя вписано на нижнем поле рукописи.
[7] Так В; А сътворять; Б сътворят.
[8] Так БВ; А и нет.
[9] Так БВ; А и.
[10] Так БВ; А по нет.