«Слово об осуждении еретиков». 1504-1505 г.
Приводится по изданию: Казакова Н.А., Лурье И.С. Антифеодальные еретические движения на Руси XIV - начала XVI в. М.-Л. 1955
Список источников
«Слово об осуждении еретиков», один из наиболее ярких документов религиозной нетерпимости господствующей феодальной церкви начала XVI в.,. в первоначальной редакции никогда не издавалось. Впоследствии это «Слово», написанное по всей видимости Иосифом Волоцким, было включено в пространную редакцию его «книги на новгородских еретиков» («Просветителя»)—в качестве 13-го «слова». В этой новой редакции данное «Слово» издано вместе со всем «Просветителем». Но до включения в пространную редакцию «книги Иосифа», «Слово об осуждении еретиков» имело несколько иной текст, чем будущее 13-е «слово» «Просветителя».
«Слово об осуждении еретиков» дошло до нас в составе сборников, содержащих Рогожский извод краткой редакции «Просветителя». Здесь оно читается (за одним исключением) после слитого воедино 9—10-го «слова», и либо вовсе не имеет номера, либо именуется 10-м «словом». После него следует, без номера или с № 11, 11-е «слово» (о монашестве); далее — «Слово о благопремудростных коварствах» (см. ниже, стр. 498) и «Послание о соблюдении соборного приговора 1504 г.» (см. стр. 503).
Перечисляем эти сборники:
1) БИЛ, Рогож. № 530; 4°; сер XVI в. Л. 263 об. — «Слово об осуждении еретиков» (без номера); л. 328 — «Слово о благопремудростных коварствах»; л. 331 об.— «Послание»;
2) ГИМ, Синод. № 453; 4°; вт. пол. XVI в. Л. 286 об. — «Слово об осуждении еретиков» (под № 10); л. 356 — «Слово о коварствах»; л. 360 — «Послание»;
3) ГПБ, F.1.229; 1°; кон. XVI—нач. XVII в. Л. 259 —«Слово об осуждении еретиков» (под № 10); л. 330 — «Слово о коварствах»; л. 333 об. — «Послание»;
4) ГПБ, Погод. № 1319; 4°; нач. XVII в. Л. 675 — «Слово об осуждении еретиков» (под № 10); л. 696 об. — «Слово о коварствах»»; л. 697 об.—«Послание»;
5) ГИМ, Барс. № 357; 4°; сер. XVII в. «Слово об осуждении еретиков» (без номера) перед 11-м «словом»; л. 335 об. — «Слово о коварствах»; л. 339 — «Послание»;
6) ЦГАДА, ф. 181, № 748, 4°; XVII в. «Слово об осуждении еретиков» перед 11-м «словом»; л. 427 — «Слово о коварствах»; л. 431 —«Послание»;
7) ГПБ, Дух. ак. № 166; 4°; XVII в. Здесь «Слово об осуждении еретиков» помещено после 11-го «слова» (о монашестве). Л. 400 об.— «Слово об осуждении еретиков»; л. 424 об. — «Слово о коварствах»; л. 428 об. — «Послание».
Кроме списков Рогожского извода «Слово об осуждении еретиков» (в первоначальной редакции) читается еще в двух списках;
8) БИЛ, Троицк. № 187; 4°; сер. XVI в. Этот список, как отмечено выше (стр. 447), содержит особую обработку текста Рогожского извода. Л. 306 — «Слово об осуждении еретиков» (под № 11); л. 333 — «слово» 11-е (вторично тот же номер) о монашестве; л. 394 — «Слово о коварствах»; л. 398 об. — «Послание»;
9) ГПБ, Погод. № 1135; 4°; сер. XVII в. Л. 364 об.— «Слово об осуждении еретиков» (без номера). «Слова о коварствах» и «Послания инокам» здесь нет.
Возникшее до создания пространной редакции книги Иосифа Волоцкого, «Слово об осуждении еретиков» было затем включено в эту редакцию и обработано. Чтобы убедиться в этом, приводимый ниже текст «Слова» необходимо сопоставить с текстом 13-го «слова» в пространной редакции и в первую очередь с двумя наиболее ранними списками этой редакции, происходящими из Волоколамского монастыря, — ГИМ, Епарх. № 340 и Епарх. № 339. Сопоставляя печатаемое здесь «Слово об осуждении еретиков» с 13-м «словом» в списке Епарх. № 340, мы можем отметить весьма примечательное явление: первоначальный текст 13-го «слова» в Епарх. № 340 почти совпадает с текстом печатаемого «Слова»; однако текст 13-го «слова» в этом списке подвергся обработке (произведенной, повидимому, той же рукой, которой писан сам список) — вычеркиваниям, вставкам; в списке Епарх. № 339, а вслед за ним во всех остальных списках пространной редакции «Просветителя», все вставки списка Епарх. № 340 включены в текст, и 13-е «слово» здесь соответствует обработанному тексту списка Епарх. № 340. Так, например, к словам «подобает казнем лютым предаяти иже сына божия похулившаго» в Епарх. № 340 добавлено «паче иже закона Моисеева отвергъшихся»; в Епарх. № 339 и во всех остальных списках пространной редакции это добавление читается в тексте. В числе других «святителей», наказывавших еретиков, в «Слове» дважды приведен «святый Порфирие епископ Газский иже и манихейскую прелесть дръжащих молитвою немы и безгласны сотвори»; в Епарх. № 340 во втором случае этот пример вычеркнут; в Епарх. № 339 и всех остальных списках пространной редакции его нет. В «Слове об осуждении еретиков» не приводятся конкретные примеры наказания отступников из Ветхого завета — здесь только кратко упоминается о «пророках и праведниках», «оружьем убивающих или казнем предав ающих повинных»; в Епарх. № 340 слова «или казнем предавающих повинных» зачеркнуты и на поле вписаны конкретные примеры библейских казней отступников; в Епарх. № 339 и всех остальных списках эта поправка — в тексте. Так обстоит дело и со всеми остальными поправками списка Епарх. № 340 (см. их в подстрочном аппарате к издаваемому тексту); все они учтены последующей рукописной традицией, начинающейся со «списка Иосифова» Епарх. № 339.
Сопоставление со списками 13-го «слова» в пространной редакции с несомненностью говорит о том, что издаваемый текст «Слова» был наиболее ранним этапом в истории этого памятника; следующим этапом была обработка текста «Слова» составителем списка Епарх. № 340. Это сопоставление позволяет также видеть в списке Епарх. № 340 (а может быть и в его копии — Епарх. № 339) авторский или редакторский текст, послуживший протографом для всей пространной редакции книги Иосифа (ср. выше, стр. 455).
«Слово об осуждении еретиков» мы издаем по списку Рогож. № 530 (Р) с исправлениями по списку F. 1.229 (Т). Для сравнения мы приводим варианты по спискам «Просветителя» — Епарх. № 340 (Е), Епарх. № 339 (Е1), Минейный список Соф. № 1323 (М) (см. о нем выше, стр. 463, № 38) и Нифонтовский список Q.XVII.15 (Н) (см. выше, стр. 464, № 56).
Понеже убо ныне новоявльшиися новъгородстии еретици, Алексей протопоп, и Денис поп, и Феодор Курицин, и инии мнози, иже тая же мудръствующеи, много зла содеяша, яже язык не может изрещи, ниже слово сказати, ниже ум вместити, елико хуление изрекоша на святую животворящую троицу, и на пречистую богородицу, и на великого Иоана Предтечю, и на вся святыя, и колико сквернения соделаша на святыя божия церькви, и на честныя и животворяща кресты, и на всечестныя иконы, и толика и такова зла сотворше, и убояшася православных еже о благочестии ревности, яко да не увидевше толикая их злая, соборне осудять их по божественым правилом в конечную погибель в нынешнем веце и в будущем; сего ради вседушно потщашася, еже утаитися от православных и сими глаголы хотяще устрашити правоверныя, глаголаху, яко не подобает осужати на еретика ниже отступника, на свидетельство же приносяще господня глаголы, еже рече: «Не осужайте, да не осужени будете», и святаго Иоана Златоустаго, еже глаголеть, яко не достоить никого же ненавидети или осужати, ниже невернаго, ниже еретика, и не убо достоит убивати еретика; аще ли же и судити подобает еретика или отступника, от царьских и градцких закон судитися, а не от инок, ниже от мирьских человек, иже не приседящим судищным двором.
И о сем убо, еже рече господь: «Не осужайте, да не осужени будете», хотяй известно разумети, да Прочтет свидетельство божественых писаний, еже о сем написаша святии и преподобнии и богоноснии отци наши, святый Иоанн Златоустый, и великий Василие, и божественый Афанасие великие, и инии мнози святии отци наши. И от сих убо писаний собра добрейши же и высочайши преподобный отець нашь Никон и во своей велицей книзе, в тридесят и девятом слове, положи. Ныне же прочее о сем речем, еже глаголеть божественый Иоан Златоусты. Глаголеть, яко недостоит зло творити или ненавидети какова любо человека, или нечестива или еретика. Сия глаголеть великий он и равноапостольный мужь, показуеть некая повеления временна; не бе же воля божиа всегда тако быти, якоже сам тот свидетельствует великий Златоуст, сице глаголя, яко недостоит зло творити, или ненавидети какова любо человека, или нечестива, или еретика, егда не имамы от них душевный вред. Тако бо и пастырие творят, дондеже убо ничто же забавляет им зверь, под дубом или под смерьчием себе повергьше, тростию свиряют, оставльше на власти всяцей овца пастися: внегдаже волком нахожение ощутять бывшее, въскоре трость повергъше[2], пращу восхищают и свирель оставльше, дреколми и камением себе въоружают, и пред стадом ставше, и велми ужасне воскликнувше гласом множицею преже врьжения зверя отгнавше. Тако убо и нам подобает творити, иже христово стадо пасущим, пастырем же и учителем. Егда убо видят невернаго или еретика, никоего же вреда душевнаго не творяще верным, тогда и они, в травнице некоем книжных повестей поучяющеся, с смирением же и кротостию да наказують неверныа и еретики; егда же видять иже всех волков лютейших окаянныя еретики, хотящих христово стадо погубите и разтлити еретическими июдейскими учении, тогда подобает им всяко тщание и ревность показати, яко да ни едино овчя Христова стада зверьми въсхищено будет. Зри, яко о сем глаголет священный Златоуст. Егда невернии и еретици никого же от православных прельщают, тогда недостоит им зло творити или ненавидети их; егда же узрим неверныя же и еретики, хотящих прелстити православныя, тогда подобает не точию ненавидети их, или осужати, но и проклинати и язвити, и сим руку свою освятити. Яко же повелевает сам той священный Златоуст, глаголя сице: «Понеже о хулении нам слово бысть, иже на единороднаго сына божиа, ныне же единого от вас хощу просити дара, да хулящая вся иже во граде да накажете. Аще услышиши некоего на распутии, или на торгу среди накажете. Аще услышиши некоего на распутии, или на торгу среди народа, владыку Христа хуляща, приступив запрети; аще и язвы ему наложити подобает, не отмещися, зауши, сокруши его уста, освяти си руку язвою; аще и поемлют неции, и аще на суд влекут, въследуй; аще и на суде въпросят, сиречь судии истяжет, глаголи з дерзновением, яко же царя аггельскаго похулил есть; аще бо хулящаго земнаго царя мучити подобает, велми паче, иже хулящих небеснаго царя. Общий есть грех всех есть бесправдие. Подобает же комуждо от хотящих оглаголавати, да уведят и жидове и поругании еретици, яко спасители суть граду кристьяне, и строители, и заступници, и учители. Да уведят се не утомлении и развращении жидове и еретици, яко божиих раб боятися тем подобает, да, аще изволят когда извещати нечто таково, друг на друга взирают всюду, и стеней трепещут, страхующеся, егда где христиан услышат. Не слышали, что Иоан сътвори, мучителя виде человека, брачныя законы отметающа, з дерзновением посреди тръжища рече: Не подобно ти есть имети жену Филиппа брата своего. Аз же не о человецех приведох слово, ни о судии, ни о брацех беззаконнующих, но о владычней досаде. Аще убо и умрети подобает, наказовати брата своего не обленися, мучительство убо и то есть за Христа. Понеже Иоан мученик есть, аще и пожрети не повелен бысть, ни поклонитися идолом, но егда виде божественна законы попираемы, и того ради душю свою положи». И паки той же глаголеть: «Возлюблении, многажды вам глаголах о безбожных еретицех и ныне молю, не совокуплятися с ними ни вь ядении, ни в питии, ни в дружбе, ни в любви: творя бо сиа, чюжа себе творит Христовы церькви. Аще хто и бесплотных житие поживет, еретиком же приобщаяся в дружбе или в любви, таковый чюжь есть владыки Христа; яко же убо сытости не имамы владыку Христа любити, такоже не . имамы сытости враги его ненавидети. Глаголеть бо сам: иже несть со мною, на мя есть». Сиа убо глаголеть и повелевает священный Златоуст, от святых апостол вину прием.
Тако бо и святии апостоли творяху. Пишет бо ся в деяниих святых апостол, яко, егда прииде в Самарию святый апостол Петр и Иоан, тогда Симон вълъхов принесе им сребро, глаголя: «Дадите ми власть сию, да на него же аще положу руце, приимет дух свят»; тогда убо святии апостоли не осудиша его на смерть, но егда прииде в конечное нечестие, еже развратити благочестивыя и прельстити верующая, тогда смертию осужаеться. Тако же и святый Иоан Богослов сътвори. Егда убо Куноп в своем месте живяше, и никого же от верных не прелщаше, не осужен бысть; егда же прииде в град, иский развратити верующая, тогда осужен бысть на смерть. Тако же и святый апостол Филипп, не прииде к архиерею, ниже осуди его, но егда виде архиереа, пришедша не иного чего ради, но токмо благочестивыя чествующая развратити, тогда смертию осужен бысть. Подобно же тому святый апостол Павел сотвори: не поискав Еллима влъхва и не осуди, ниже уничижи; но егда виде его ищуща развратити Анфипата от веры, тогда осуди его, иже слепу быти и не видети солнца. Подобно же тому святии и преподобнии и богоноснии[а] отци наши и священноначялницы и пастырие творяху. Святый убо Иоанн Златоустый, егда виде арианы, живуща в Констяньтине граде и никому же от православных пакости не творяще, тогда Иоанн ничтоже зла сотвори им; егда же виде их, творящих прелщения, и некоторая пения же и песни сотворша, яко да едносущныя смутят, тогда умоли царя, яко да ижденет их из града. Такоже и святый Порфирие, епископ Газьский, егда виде в Газе еретики живуща манихейская мудръствующе, и никого же от православных прельщающе, тогда и он не осуди их; егда же виде их, сего ради пришедша к нему, яко да християны прельстят, тогда и он осужает их преже онемлением, потом же смертию. Такоже святый Лев епископ Катаньский, Лиодора еретика преже не осуди на смерть, но егда виде его пришедша к церкви, некоторая мечтания творяща, яко да благочествующая прельстит, он же изыде из церкви, и сотвори Лиодора огнем съжжена быти, и паки вниде в церковь, и соврьши божественую служьбу. Тако же и святый Феодор Едесскый епископ, егда виде множество еретик вь Едесе, православных не творяща многа зла, тогда и он не сотвори им ничто же зло; егда же виде их и на толико зло пришедших, яко да православныя прельстят и церковная имения разграбят, тогда и в Вавилон отиде, и царя умоли, яко да еретики потребит. И многа суть такова в божественом писании, яко егда еретицы суше в себе ереси имущаа, православным пакости не творяща, тогда святии и преподобнии отци наши сих не осужаху; егда же узрят неверныя же и еретики, хотящих прельстити православныя, тогда осужаху их. Тако убо подобает и нам творити. [б] И сиа убо о сих.[б]
Прочее же речем и о сем, еже той же великий церковъный учитель святый Иоанн Златоустый[а] глаголеть, еже не достоит убивати еретики; аще быхом убивали еретики, рать несмирна была во вселенней. Сиа глаголеть о епископех и о священницех, и о иноцех, и о всех церковных причетницех, а не о царех, ниже о князех и о судиях земьских. Аще бы глаголал о царех и о князех и о судиях, рекл бы, яко не подобает царем и князем и судиям убивати еретики; ныне же глаголеть: «Аще быхом убивали еретики», се явьствено показует, яко о епископех, и о священницех и о иноцех, и о причетницех церковных глаголеть; сам бо той бяше иреже причетник церковный и инок, потом же и священник, таже и епископ. Того ради, и всех сих лице на себе въсприим, глаголеть: «Аще быхом убивали еретики мы, рать несмиръна была бы», а не о царех, ни о князех, ни о судиях земьских сиа глаголеть. О царех убо и о князех и о судиях и святии апостоли глаголють, яко они власть приаша от господа бога, в отмщение злодеем, в похвалу же добротворящим. Глаголеть убо врьховный апостол Петр: «Повинитися убо всякому человеческому зданию господа ради, сиречь человеческой власти; аще царю, яко преобладающу; аще князем, яко посылаемом от него, в отмщение убо злодеем, в похвалу же добротворящим. Тако бо есть воля божиа, благотворящим обуздовати безумных человек неразумие». Подобно же тому и Павел глаголеть: «Князи бо не суть боязнь благым делом, но злым. Хощеши ли не боятися власти? Благое твори, и имаши похвалу от нея: божий бо слуга есть ти в благое. Аще ли же злое творити, бойся, не бо без ума мечь носит. Божий бо служитель есть, отмъститель в гнев злое творящиму». Подобно же тому и святии отци глаголють. Священный убо Златоуст сице рече: «На ползу убо людем земленое начяльство поставися от бога, а не от диавола, яко же неции неподобнии глаголют, да боящеся человеци не поглощают друг друга, яко же рыбы. Того бо ради глаголет святый апостол Петр, яко тако есть воля божиа, благотворящим обуздовати безумных человек неразумие». Тако же глаголет святый Григорие Акраганьский епископ, во своих правилных завещаниих: «Велие убо суть в человецех дарование божие свыше дано человеколюбие, священничество же и царство; ово убо божественым служа, ово же человечьскими обладая пекий ся. Подобает приемшему от вышняго повелениа правление человечьскаго рода, не токмо о своих пещися ни своего житиа правити, но и все обладаемое от треволнениа спасати, и многогреховнаго смятения потопляющим отвсюду лукавым духом, и тело смиренна нашего смущающим». Аще же хто речет, яко святии апостоли и преподобнии отцы повелеша царем и князем и властелем в отмщение быти зло делающим, еже есть убийцам и прелюбодеем, татбу же и разбойничества и иная злая дела творящим, а не о еретицех и о отъступницех; и аще убо о убийцах и о прелюбодеех, и иже иная злая дела творящих, поведено бысть сице, множае паче о еретицех и о отъступницех подобает тако же быти. Яко же свидетельствует божественое писание; глаголеть бо ся в божественых правилех, еже от градцких закон, о неверных и о еретицех сице: «Иже сподобившеися святаго крещения, и отступльше[з] православныя веры, к еретици бывше, или творяще елиньскыя жрътвы, конечней повинни суть муце. Аще жидовин дръзнет развратити християньскую веру, главней повинен есть казни. Манихеи же, или ини еретици християне бывше, и потом начнут еретическая творити или мудръствовати мечем да посекаются, и иже таковыа сведающе, и не предающе сих князем, конечней муце повинни суть. Аще ли же хто воевода или воин, или соньмища на чялник, должни суть о сем пещися, егда хто еретическая творя или мудръствуя, и аще уведавше не предадять его, аще и правоверии сами суть, конечную муку подоимут». Где суть глаголющей яко не подобает осужати ни еретика, ниже отступника? Се убо явьствено есть, яко не точию осужати подобаеть, но и казнем лютым предавати, и не точию еретики и отступники, но аще и правовернии будут сами, уведавше же еретики или отступники, и не предадят судиам, конечную муку подоимут.
Аще ли же хто речет: «Се есть градстии закони, а не апостольская, ниже отеческая писания», таковый да слышит преподобнаго отца нашего Никона в своих богодухновенных писаниих сице глаголюща о градских законех[в]: «Сего ради святый поклоняемый дух, въдохну в божественыя отца на святых соборех, и учиниша божественая правила, яже от святаго духа, изложиша божественыя законы и словеса святых отець и богоносных, и от уст же самого господа святыя его заповеди глаголаны быша, и обаче и от древних божественая правила со градскыми размешена быша законы же и завещании». Сице номоканун книга сотворена бысть, сиречь закону правила. Множае паче божиим промыслом божественая правила, с заповедьми господними, и реченными святых отець, и с самеми паки градскыми законы разъмешена бывше, предреченная книга сотворися. Аще убо святии отцы, иже на вселеньскых и на поместных соборех бывшеи, и от святаго и животворящаго духа наставляеми, и учиниша божественая правила и законы и словеса святых отець, и яже от уст самаго господа святыя его заповеди, со всеми же сими и градстии законы сочеташа святии отци древний. И хто убо дрьзнет сих отложити или похулити, яже от святаго духа и святых отець приата быша, и сочьтана со всем божественым писанием.
Подобно же тому и великий Афанасие глаголеть, яко сии суть еретичестии отроци, иже глаголють, яко не подобает судити творящих смертныя грехи. И аще бы тако было, яко же они утверьжают, не бы праведный Ное судил Хама ругателя раба быти братиам своим. И Моисей же поклонившихся телцю три тысущи повеле мечем иссещи, и собравшаго дрова в суботу повеле камением побити его. И Исус Наввин Ахара крадбы ради со всем домом потреби. Финеес же блуда ради Замьврия погуби, и Самоил Агага царя пред господем уби. Илия же ложныя пророки, яко же свиниа в потоце, исъкла. Елисей же осуди Гиезию приятна ради имения, прокажена показа. Данил же, осудив блудныя старца законом Моисеевым погуби. И святый апостол Петр, прием ключя царства небеснаго, Ананию со женою его утаившая от своего стяжания осудив, абие сотвори их издохнувша. И Павел Александра ковачя, Именея же и Филита предасть сатане, да накажются не хулити. Се убо вси праведнии судивше, не осуждени бывше, паче же избрани бывше, в духовную службу изъбрашася.
Сиа глаголет и учит великий Афанасие о творящих смертныя грехи: «Тяжчяйши же и страшнейши всех смертных грехов грех, еже вь ересь впасти, и Христа отврещись»; тако бо сказует той же божественый Афанасие и великий Иоан Златоустый и в своих писаниих: «Царьскими же суды и градскими законы обуздоваеться безумных человек воля, иже смертныа грехи творящих, и душу с телом губящих». Тако бо глаголють и священная правила святых отець. Слышите цари и князи, и разумейте, яко от бога дана бысть дръжава вам, яко слуги божий есте; сего ради поставил есть вас пастыря и стража людем своим, да соблюдете стадо его от волков невредимо; вас бо бог в себя место избрал на земли, и на свой престол вознес посади, милость и живот положи у вас, и мечь вышняя божия десница вручи вам; вы же убо да не здержите истинну в неправде, и убойтеся серпа небеснаго, и не давайте воля зло творя щим человеком, и не напущайте на правоверный человеки, яко же псы бесныя, или яко аще кто мечь дасть человеку неистовящуся, и он не точию телеса, но и душа губит. Что глаголеть, иже не токмо телеса губит? Се глаголеть о убийцах и иже разбойничества и обиды творящих, иже точию тело губят; а иже глаголеть: «Иже не точию тело губят, но и душу губят», се глаголеть о еретицех и о отъступницех: сии убо с телом и душу губят, еретическыми учении прельщающе православныя.
И что убо, аще они сотворят зло, на попустившаго душу приходит грех, еже есть на царя и на князя и на судия земскиа, аще власть дадут злочестивым человеком, о сем истязани будут от господа бога в страшный день втораго пришествия христова. И сего ради царем и владетелем о сем попечение имети, яко да будут отмъстители Христу на еретики. Подобно же тому наказует и учит священный Златоуст, сице глаголя: «Еже убо по воли божии бываемо, аще и озлобити мнится, всех есть добрейши, а еще чрес волю божию и не угодное оному, аще и изрядно быти мнимое всех есть злейши и законопреступнейши. Аще убиет хто по воли Божией человеколюбия всякаго есть лучшии убийство оно. Аще и пощадит хто, человеколюбьствуя чрес угодное оному, убийства всякого непреподобнейши будет то пощадение: не естество бо вещем, но божии судове добра и зла сия быти творят». Да навыкнеши, яко се истинно есть, послушай реченных. Пощади некогда чрес божественую волю Агага царя амаликова, Саул царь израилев, и за се пощадение приат от бога осужение, и не точию сам, но и все семя его. Тако же царя асирийска Адера ем Ахав, паче угоднаго богови снабде, и со многою отпусти его честию, и пророка некоего посла бог ко Ахаву глаголя: «Тако глаголеть господь: яко отпустил еси ты мужа губителя от руки твоея, душа твоя вместо душа его, и людие твои вместо людей его». Подобно же сему пророк некий пришед рече ко искренему своему: «Словом господним бий мя», и не восхоте человек он бити его, и рече к нему: «Занеже не послуша гласа господня, се ты отидеши от мене, и поразит тя лев», и отиде от него, и обрет его лев, и порази его. И обретает человека иного и рече: «Бий мя», и бий его человек той, и сокруши лице его. Что убо будет сего преславнейши, — бивый пророка спасеся, а пощадевый мучен бываше? Да навыкнеши, яко, богу повелевающю, не достоит испытовати естество бываемых, но повиноватися точию.
Тако же и вси святии и преподобнии и богоноснии отци наши, пастырие же учителие, моляху благочестивыя царя же и князя, яко да еретики потребят. Яко же сведетельствуют святии отци святаго вселеньскаго шестаго собора, глаголюще сице благочестивому царю Иустинияну: «Ты же, о царю, потъщися о сем, яко, аще некако останок еллиньский июдейский еретическиа злобы в зрелую пшеницу вместилъся будет, искоренити яко плевелы, да въсторъгнутся, и чиста явится церковна нива, теплотою к богу любве, царей же и властелей ревнителя Финееса преспевших, и грех прободших копием». Глаголют же святии отцы, иже во Иерусалиме събравшеися, тысяща и четыреста, иже многосложный свиток написаша к Феофилу царю греческому: «Ты же, о царю, призри к молитве смиреных, ущедри церковь свою, устави церковныя раздоры, угаси первее зловерных отметник, силою праведнаго своего царства, мышцею благочестия своего».
Яко же прьвый начяток хрестиаиом православный, иже во царех апостол великий Констянтин праведный, темнаго оного и богопротив наго втораго Июду Ария, гневу тезоименита, со проклятыми его учении[4] до конца низложи и в заточение осуди, тако же и всех, иже тая же мудръствующих. По сем же пресветлая звезда, царьским преиматель, Феодосие великий, иже повелением его божественый собор вторый святых отец собра, на Македониа духоборца, и на Евномиа, и на арианы, и на сих проклят, и в заточение з безчестием осуди. И сему суще преиматель умом и именем, Феодосие малый, вь Ефесе святый собор собрав и Несториа низложи. Великий же в благочестии Маркиан четвертый собор собра, Евтихия и Диоскора суесловца прокляти повеле и в заточение осужаеть. Великий же царь Иустиниан пятый собор собра на Дидима и Евагриа, иже оригеньская мудръствующих, и сих по проклятии заточением осужаеть. По сем Констянтин, внук Ираклиев, на Маркиона и Стефана, Сергиа и Пира и Павла и прочих зломудреных, шестый собор собра святых отець, от них же еретицы зелне разбиени быша, достойно зловерию своему приимше осужение. Посем паки благочестивая царица Ирина и сын ея благоверный царь Коньстянтин седмый собор собраша, на злочестивыя иконоборца, и все их еретичество низложиша и до конца искорениша. Тако же вси благовернии царие, иже градными оружии неверных еретик крепость в конець низложиша, вселеньскими же святыми соборы многоглавныа змием главы яко во ужасе отсекше, чистую же и правоверную веру столп непоколебим и утвержение благоверна церкви утвердиша. И сиа убо слышаще благо чествии царие и святых отець молению и наказанию повинующеся, еретики и отступники повелеваху проклинати и в заточение посылати и казнем лютым предавати, еще же и навыкше от божественых писаний ветхих же и новых.
Тако бо творяху пророци же и праведницы, и благочестивии царие в ветхом законе. Егда видяху кого, отступивших от господа бога все дръжителя, овех убо мечем убивающе, овех же молитвою низлагающе. Великий убо Моисей отступивших от бога вседръжителя и тельцу златому поклонившеся повеле мечем изъсещи. Великий в пророцех Илиа два пятьдесятника огнем небесным сожженным быти сотвори отступивших от господа бога, и четыреста своею рукою мечем иссече. Июда Маккавей яко виде люди отступившая от господа бога, и идолом поклонь шихся, повеле вся мечем изъсещи. И благочестивый царь Иосея, то лико възревнова о благочестии, яко не токмо живыя уби, прельщающих люди отступити от господа бога, но и умрьших кости воскопа и огнем сожже, и пепел на ветре развея. В новем же законе святый апостол Петр Симона волхва, начялника ересем, молитвою смерти предаст. Подобно же тому святый Иоанн богослов, Кунопа волхва молитвою в мори потопи. Тако же и святый апостол Филипп архиерея, глаголавшаго хулу на господа нашего Иисуса Христа, повеле земли поглотити. И святый апостол Павел, Еллиму волхва словом ослепи, Именея же и Филита и Александра ковачя сатане предаст.
И паки той же святый апостол Павел глаголеть: «Аще хто убо отврьжется закона Моисеева при устех двою или триех свидетелей, без милости умирает. Колицей, мнится, горшей муце сподобится, иже сына божиа поправ». Се являет, яко ныне паче подобает казнем лютым предаяти иже сына божиа похулившаго[г]. И святый апостол Июда брат Ияковль глаголеть: «Овех убо милуйте, разъсужающе, овех же страхом спасайте».Сим божественым пророческим и апостольским писанием же и преданием последующе, благочестивийшии и православнии царие и святителие еретики же и отступники в заточение посылаху и казнем лютым предаваху. Прьвый великий царь равноапостольный Констянтин, заповедь предложи во всем своем царстве, еже неверующих в святую и живътворящую троицу, злым зле умрети, и дом его в разграбление быти. Святии же отцы прьваго собора не возбраниша сему быти. И святый Александр, патриарх Констянтиня града, молитвою своею сотвори Арию разсестися. И великий чюдотворець Епифание Кипрьскии Аетия еретика словом нема сотвори, и в седмый день смерти предаст. Благочестивый же царь Маркиан Диоскора еретика патриарха Александрийскаго на смерть осуди, и не уби сего мечем, но отосла во Ас остров, в нем же нихто же лето цело поживе, но, емлеми от смертотворных ветров, зле умираху. Тамо же и Диоскор со всеми, иже тая же мудръствующими, зле душа своя извергоша, Святии же убо отци четвертаго собора не возбраниша сему быти. Благочестивый же царь Устин и Тиверие, епарху Адъдусу, и воеводе Елеуферию, поборником ереси, главы отсекоша. Великий же чюдотворець Евтихие, патриарх Царяграда не возбрани им[5е]. Великий же царь Ираклий не хотящих креститися июдей повеле убивати, и мнози же бяху тогда патриарси же и святителие и преподобнии, не възбраниша сего творити. [ж]И святый Порфи рие епископ Газский иже и манихейскую прелесть дръжащих молитвою немы и безгласны сотвори, потом же смерти предасть[ж]. И святый Феодор епископ Едеский жидовина, хулу глаголавшаго на господа нашего Иисуса Христа, словом нема сотвори, и по сем умали царя Вавилоньского, он же посла в Едес, повеле еретиков всех из града изгнати, и богатство их взяти, овем же языки изрезывати; святый же Феодор не взъбрани сему быти. Тако же и святая Феодора царица и сын ея Михаил, Анния еретика патриарха Царяграда в заточение отосла, и тамо повеле, растягше его, бити ремением. Блаженый же патриарх Мефодие и мнози преподобнии отци наши и исповедници, не возбраниша сему быти. И святый Лев, епископ Катаньский, Илиодора еретика огнем сотвори сожжена быти Зри, яко святии пророци и праведници в ветхом законе отступивших от господа бога, овех молитвою и благодатию данною им от бога смерти предаваху, овех же оружием убиваху, и казнем лютым предаваху. В новем же законе святии апостоли и божествении святителие и преподобнии и богоноснии отци не убиваху еретики и отступники оружием, но молитвами своими и силою, данною им от всесилнаго и животворя щаго духа, сих смерти и казнем лютым предаваху.
Аще ли же хто речеть, яко ино убо, еже молитвою смерти предати, ино же, еже оружием убивати повинных смерти, к нему же сице речется, яко едино убо и тоже есть, еже молитвою смерти предати, и еже оружием погубити повинных. Тако бо пишеть великий Афанасие в слове о творящих смертныя грехи. Преже убо воспомяну, иже в ветхом законе сущих, пророкы же и праведники, иже оружьем убивающих [3]или казней предавающих повинных[3]. Потом же святых и врьховных апостол Петра и Павла поминает. Петр убо Ананию и Самфиру словом[6] и силою, данною им от святаго духа, смерти предасть. Павел же Еллиму волхва и Александра ковачя, Именея и Филита словом казнем лютым предасть. Зри, яко великии Афонасие никоего же разъньствия сотвори еже оружием убивати, и молитвою смерти или казнем предавати повинных. И аще не бы подобало еретики[7 ]же и отступники смертем и казнем предавати, не быша святии апостоли и божествении святителие и преподобнии отцы наши молитвою и силою, данною им от бога, смерти предавали: горчяйши бо смерть от молитвы, нежели от оружия. Еже бо от молитвы смерть, се явьствено известно есть, яко от бога осужен бысть на смерть повинный: страшно бо есть, еже власти в руце бога жива. А еже от оружиа убо смерть многажды и от человеческаго умышлениа бывает, и не толика смерть страшна бываеть от оружиа, якоже от молитвы, иже ум имущим: человек убо зрит на лице, бог же зрит на сердце. Тем же преподобнии и богоноснии отци наши и священноначялницы и пастырие, не оружием, но молитвою и силою, от бога данною им, еретики же и отступники смерти и казнем лютым предаваху. Аще ли же кого еретика или отступника подобаше смерти и казнем предати, сами сего не творяху, но благочестивыя и православныя царя, на се имуще в отмщение злодеем, по апостольскому писанию, и по свидетельству священных правил и градцких закон, иже с священными правилы совокуплении и съединении быша, преподобными и богоносными отци нашими. [и] И яже убо от сих до зде[и].
Прочее же речем и о сих, еже еретицы глаголють, яко аще и подобаеть судити или осужати еретики или отступники, но царем и князем и святителем и судьям земьским, а не иноком, иже отрекошася мира и всех яже в мире, и подобает им точию себе внимати, и никого же осужати, ни еретика, ниже отступника. X таковому[к] убо сице речется, яко аще не подобает иноком осужати ни еретика ниже отступника, то како великий Антоние осужаше их? Глаголаше бо о еретицех, яко словеса их лютейши яда змиина, ученики же своя всегда наказуя, яко да никоего же приобщения имут с мелетияны и со арианы и со прочими еретики. И святый Пафнутие исповедник, на прьвом соборе, со святыми отци обретеся, и Ария в заточение осуди. Святый же Пахомие всегда осужаше еретики, глаголаше бо, яко приобщаяйся еретиком, и прочитал писания Аригенова и Мелетиева и Ариева[8]и прочих еретиков, в дно адово сходит. Тако же и великий Макарие сего ради ис пустыня изыде, яко да еретика осудит и ересь его утолить, еже и сотвори. Святый же Ефрем, яко услыша Аполинариева еретическая мудрования умножаю щася, сего ради оставляеть пустыню, и в Констяньтинград входит, и не токмо осужаеть Аполинария, но и смерти злей благокозным своим художеством предаеть его. Дивный же Исакие Долматьский от самех пелен в пустыню вселися, и яко услыша Уалента ариеву ересь умноживъша, приходит в Визаньтию и не точию осужаеть Уалента, но и огню предаеть[л] Тако же и великий Еуфимие, аще и сам не бысть на третием соборе, но ученики своя посылаше на собор, и повелеваше еретики осужати и проклинати. Святый же Авъксеньтие, многиа ради старости и великих трудов не могий ити на собор святых отець, егда собрашася на Несторьеву ересь, повелев супруг волов привести, и себе повести на собор, еретики осужати и проклинати. Тако же и святый Данил столпъник, не моги ходити на ногу своею многиа ради немощи и повеле народом повести себе на собор святых отець еретики осужати и проклинати. Тако же творяше и Сава освященный, и яко виде ересь Севирову множащуся, от Иерусалима в Констянтин град отходит ко царю Анастасию, и сего молит, еже еретики судити и проклинати. Великий же Феодосие, егда виде Севирову ересь, множащуся по вселеней, тогда оставляеть манастырь, и исходит от пустыня, и обходит села и грады, яко да верныя утвердить, и еретики осудит и посрамит, потом же собрав вся иноки, приходит во Иерусалим с Савою священным, и входят в церь ковь, имуща последствующа себе ученики своя иноческое множество, яко до десяти тысущь. И великий убо Феодосие и освященный Сава восходят на амбон и осужают и проклинають Севира [м]и всех, иже тая же мудрствующих[м]. Тако же и на шестом соборе, вместо патриарха Александрийскаго, Петр мних прииде со святыми отци, еретики осуди. Святая же мученица Феодосия девица, иже родися по обещанию святыя мученица Анастасии, и седми лет пострижеся во иноческий образ, и оттоле пребываше неисходна от манастыря, и яко же услыша Лва царя, и еже от Исаврия, пославша своего спафариа, яко да иже на медных вратех градных образ владыки Христа, еже на иконе, низложити и сокрушити, святая же Феодосиа притече на место, яко виде спафариа, трищи ударивша секирою во образ спаса Христа, абие поврьже лествицу на землю, и спафария горцей смерти предасть, и отшед в патриархию[н] камением биаше[о] патриарха Анастасия иконоборца, и на том месте от злочестиваго царя убиена бысть за образ господа нашего Иисуса Христа. И яко да не начнут неции глаголати, яко Христова мученица Феодосия сие дело сотвори не по божественому повелению, яко человека своима рукама смерти предаст, сего ради преблагий владыка Христос и по смерти ея прослави ю многими чюдесы и страшными знаменьми, и тело ея цело и нетленно соблюде, яко всем приходящим к гробу ея исцеления примати от всяких недуг. И святии же и божествении отци песньми и похвалами и каноны и трепарьми сию почтоша и равно с великими мученики и мученицами Христовыми повелеша память ея празновати майя в двадесять девятый. И со святою Феодорою царицею и с благочестивым царем Михаилом, собрашася святии велиции постници и чюдотворци, великий Аникие, и Арсакие и Исакие и Феофан исповедник, и инии мнозии, иже манастыря и пустыня оставиша, и приидоша во град, яко да еретики осудят и прокленут. Но и всех вселеньских и поместных соборех приходяще иноци, монастыря же и пустыня презирающе[, ]и ко градом притичюще.
Та коже и князи и воеводы и прости людие мужие и жены и всяк православный, со святители и со священники, еретики осужающе, и от святаго и животворящаго духа научени быша, написаша божественая правила. Еще же и градскиа законы съчетавше божественым правилом, яко еже еретики не токмо осужати, но и проклинати и казнем лютым предавати[п]
[1 ]Т перед этим слово 10.
[а-а] Е на двух
[2] Так Т; Р поверьте на вклеенных листах.
[б-б] Е в составе текста на вклеенных листах. Понеже убо ныне явльшиеся еретици толико пагубу душевную и вред сътвориша, и толико православных в жидовство отведоша, яко ниже[ ]исчести можно, сего ради да потщиться всяк православный, еже сих лукавство, испытывати и искоренити, яко да того ради причастник будет небесного царства; ЕМН в тексте.
[3] Так Т; Р отступльшь
[в] ЕЕ1 вставлено на поле в посланиих в слове 21; МН эти слова в тексте.
[4] Так Т; Р учини.
[5] Так Т; Р възъбра им.
[г] Е далее на поле паче иже закона Моисеева отвергъшихся; Е1МН эти слова в тексте.
[д] Е Устин исправлено на Устиан; Е1 Устиан; МН Устиниан.
[е] ЕЕ1МН возбрани ему.
[ж-ж] Е И святый Порфирие... смерти предаст зачеркнуто; E1MH этих слов нет.
[6] Так Т; Р слово.
[7] Так Т; Р ерети.
[8] Р и Ариева вписано на поле; Т в тексте.
[з-з] Е или казнем предавающих повинных зачеркнуто; на поле вставка и молитвою смерти предавающих. Моисей убо молитвою фараона победи, прочая же врагы оружием победи. Великий же в пророцех Илья, два пятидесятника помолився огнем небесным сожже и скверныя иерея четыреста мечем изсече. Иисус Наввин Иерихон скиа стены молитвою низложи, а иже в нем люди мечем иссече; ЕМН эта поправка внесена в текст.
[и-и] Е и яже убо от сих до зде зачеркнуто; Е1МН этих слов нет.
[к] Е таковому исправлено на таковым; ЕМН таковым.
[л] Е далее на поле великий Василие пребываше в Понте в молчаньи живы, тако же и святый Григорие Богослов, егда услышаша множества еретическая в Кесарию пришедша, тогда оставляют своя жилища и в Кесарию приходят, и тамо пребывают, дондеже вся еретикы отгнаша; Е1МН эти слова в тексте.
[м-м] Е и все иже тая же мудрствующе зачеркнуто; вписано и вся еретики; Е1МН поправка внесена в текст.
[н] Е на поле далее со иными инокинями; ЕМН эти слова в тексте.
[о] Е исправлено на биаху; E1HM биаху.
[п] Е на этом кончается текст на л. 185 об. (поставлен знак окончания); на л. 186: Се убо явьственно есть и известно воистину всем человеком, яко и святителем и священником и иноком, и простым человеком, и всем, иже християньская мудръствующим, подобает осужати и проклинати еретики и отступники, царем же и князем и судиам земьским, подобает сих и в заточение посылати, и казнем лютым предати. Богу нашему слава и ныне и присно и вовеки веком. Аминь; ЕМН эти слова непосредственно продолжают предыдущий текст.